علمونا زمان في المدارس
الكلام لازم يكون بحساب
و الصمت و الأدب للكبير
برضه زي ما قال الكتاب
علمونا
و لما كبرنا و مشينا
لفينا دخلنا غابة لاقينا
الكل لابس لبس كلاب
لا أسد له هيبة بيحكم
و الفار طلعت له أنياب
و القط منه خايف و ليه بيرقص
رقصة اسمها رقصة الكداب
أتاري الفار بيتعمل له
دلوقتي ألف حساب و حساب
يا فرحتي اليوم عيد
و الهم عنينا غاب
اتاري العرس قايم من زمان
و الزمان مش راضي منا عتاب
الخوف كبر جوانا
و الطفل من همه شاب
عشان علمونا زمان
الكلام مع الكبار يكون بحساب
==================
علمونا
يا فرح ليه وسط
الناس ناسينا
نسيناك زيك
و حتى الحب مات فينا
و الضحكة فينا بتجامل
و حزننا باين في عنينا
و الضحكة لو كترت نقول
خير فيه مصيبة هتجينا ؟
====================
علمونا
يا فرح ليه وسط
الناس ناسينا
نسيناك زيك
و حتى الحب مات فينا
و الضحكة فينا بتجامل
و حزننا باين في عنينا
و الضحكة لو كترت نقول
خير فيه مصيبة هتجينا ؟
====================
علمونا
نجيب اللقمة
بكفاح و كد و تعب
قلنا ماشي و لما كبرنا
لاقينا غيرنا بياكل بملعقة دهب
و الحب خدوه منا
و سابولنا الوشوش الخشب
و لو قلنا ليه يقولو
اياك !! لا تسألن عن السبب
=====================
علمونا
علمونا الدمعة لو نزلت
من الراجل تكون عيبة
لان الدمعة مش لينا
الراجل ليه هيبة
منتصر مصطفى الحجاجي
ليست هناك تعليقات:
إرسال تعليق