إبعدي عني متقربيش مني
انا مش قد جمالك
ولو جيت أحبك تبعدي عني
ح دعي علي حالك
إيه اللي يخليني أتحمل ذنبك
وتدعي عليا في بالك
روحي بعيد ويسعد 💓 قلبك
اللي تختاريه لوصالك
لو حستيني أكيد حا حس بك
وروحك أجمل من دلالك
و ح لقا في قلبي يسكن حبك
وتشغليني بأحوالك
ح تلاقيني على طول بقربك
و ح ترويني من شلالك
وأعيش حياتي كلها جنبك
وأشتاق أسمع موالك
صدقيني ما كنش قصدي أبعدك
كنت خايف من إحساسي
لا يكون صادق وأعرف وأكذبك
ويتوه قلبي مع أنفاسي
ولما سمعت قلبي نداني وصدقك
ومشاعرك كانت نبراسي
حبيبة قلبي وروحي انا بعشقك
وانتي حياتي وناسي
ورودي علي أغصانك بتندهك
وعيني عليكي حراسي
مفيش حد في جمالك يشبهك
أو غيرك في كراسي
_______________________________
........... إحساس حسن الشوان ..........٤
ليست هناك تعليقات:
إرسال تعليق